General

(ነሀሴ 05/2018 ዓ.ም)፣ ባህር ዳር — በኢፌዴሪ የመንግሥት ግዥ እና ንብረት ባለሥልጣን እና በአማራ ክልል ገንዘብ ቢሮ ትብብር የሚሰጠው የመንግሥት ኤሌክትሮኒክ ግዥ ሥርዓት (e-GP) የሥልጠና ፕሮግራም በባህር ዳር ከተማ መካሄድ ጀምሯል። ሥልጠናው በ2019 ዓ.ም አዲሱን አሠራር በክልሉ ሙሉ በሙሉ ተግባራዊ ለማድረግ ታስቦ ለተመረጡ አስር የክልሉ ተቋማት የሥራ ኀላፊዎች እና የግዥ ባለሙያዎች እየተሰጠ የሚገኝ ነው።

የአማራ ክልል ገንዘብ ቢሮ ኀላፊ አቶ አታላይ ጥላሁን በስልጠናው ወቅት እንደገለጹት የመንግስት አሠራርን በዲጂታል ቴክኖሎጂ የማዘመንና አገልግሎት አሰጣጥን ውጤታማ የማድረግ ሥራዎች በትኩረት እየተከናወኑ ይገኛሉ። የሕዝብ ሃብትን በቁጠባ እና በተቀላጠፈ መልኩ ለማስተዳደር የሚያስችለውን አዲሱን የኤሌክትሮኒክ ግዥ ሥርዓት በ2019 ዓ.ም በክልሉ ሙሉ በሙሉ ተግባራዊ ለማድረግ የሕግ ማዕቀፍ፣ የመመሪያ እና የቴክኖሎጂ መሠረተ ልማት ዝግጅቶች እየተደረጉ እንደሆነም አብራርተዋል። አክለውም የአስሩ ተቋማት የሙከራ ትግበራ ስኬታማነት በመገምገም ሥርዓቱን እስከ ታችኛው የመንግሥት እርከን ለማስፋት ትልቅ መሠረት መሆን እንዳለብት አመላክተዋል።

በመንግስት ግዥና ንብረት ባለስልጣን የኤሌክትሮኒክ ግዥ ሥርዓት ፕሮጀክት የአቅም ግንባታ አስተባባሪ አቶ ደበበ ማሞ እንደገለጹት በበኩላቸው ባለስልጣኑ የአገልግሎት አሰጣጡን ጥራት፣ ግልጽነት እና ቅልጥፍናን በከፍተኛ ደረጃ ለማሳደግ የአሠራር ሥርዓቱን ሙሉ በሙሉ ዲጂታል የማድረግ ስራ እየሰራ እንደሚገኝ ያብራሩ ሲሆን የመንግስት የኤሌክትሮኒክ ግዥ ሥርዓት በ2014 ዓ.ም በዘጠኝ የፌዴራል ተቋማት በሙከራ ደረጃ ተጀምሮ በአሁኑ ወቅት በሁሉም የፌዴራል ተቋማት፣ ቅርንጫፍ ጽሕፈት ቤቶች እና ዩኒቨርሲቲዎች ሙሉ በሙሉ እና ውጤታማ በሆነ መልኩ እየተተገበረ እንደሚገኝ አብራርተዋል።

አቶ ደበበ አክለውም አሠራሩ ከወረቀት እና ከሰው ንኪኪ ነፃ፣ ደኅንነቱ የተጠበቀ እና አስተማማኝ በመሆኑ ወጥ የሆነ ሀገራዊ አሠራር ለመዘርጋት ሥርዓቱን ወደ ክልሎች የማውረድ ሥራ በስፋት እየተሠራ መሆኑንና ተመሳሳይ የአቅም ግንባታ ሥልጠናዎች ለሌሎች ክልሎችም እየተሰጡ እንደሚገኙ ገልጸዋል። በተጨማሪም አብዛኞቹ ክልሎች የየራሳቸውን የግዥ ሕግ ከፌዴራሉ የግዥ ሕግ ጋር የማጣጣም እና የማስማማት ሥራዎችን በስፋት እያከናወኑ እንደሚገኙ ጠቁመዋል።

በሥልጠናው እየተሳተፉ የሚገኙ የግዥ ባለሙያዎች በበኩላቸው እስካሁን የነበረው ወረቀትን መሠረት ያደረገ አሠራር የተንዛዛ፣ ለአሠራር ግልጽነት አጠራጣሪ እና አሰልች እንደነበር ገልጸው የኤሌክትሮኒክ ግዥ ሥርዓቱ መተግበሩ ጊዜን፣ ጉልበትን እና ወጭን ከመቆጠቡ ባሻገር ሙስናን በመከላከል እና እንግልትን በማስቀረት አገልግሎቱን በከፍተኛ ሁኔታ ያቀላጥፋል ብለዋል።

በመንግሥት ግዥና ንብረት ባለሥልጣን ባለሙያዎች እና አስተባባሪዎች እየተሰጠ የሚገኘው ይህ አቅም የመገንባት ሥልጠና ለሚቀጥሉት ቀናት ተጠናክሮ እንደሚቀጥል ታውቋል።

 (August 6, 2026) Addis Ababa, The Federal Public Procurement and Property Authority (FPPA) held a high-level consultation with the World Bank to review the progress, performance, and future direction of Ethiopia’s Electronic Government Procurement (e-GP) System.

Opening the meeting, FPPA Director General H.E. Meseret Meskele welcomed the World Bank delegation led by Dr. Rajesh and expressed appreciation for the Bank’s continued technical support and longstanding partnership in advancing Ethiopia’s public procurement reforms.

During the meeting, Mr. Yafet Mekonnen, e-GP Project Manager, presented the current status of the system, highlighting its growing contribution to transparency, efficiency, and accountability in public procurement. He noted that more than 50,000 procurement opportunities have been published through the e-GP platform, facilitating public procurement transactions exceeding ETB 597.6 billion. He also emphasized the Authority’s ongoing efforts to integrate Sustainable Public Procurement (SPP) principles into government procurement.

The discussion also reviewed key implementation challenges, including infrastructure limitations, budget constraints, supplier readiness, and capacity gaps, together with the measures being undertaken to address them through capacity-building, change management initiatives, stakeholder engagement, and continued investment in digital infrastructure.

Dr. Rajesh commended the significant progress Ethiopia has made in implementing the e-GP system and acknowledged the Authority’s commitment to modernizing public procurement. He also provided recommendations for the next phase of the reform, including strengthening market price intelligence, introducing reverse auction mechanisms where appropriate, improving procurement planning and timelines, leveraging Artificial Intelligence, and enhancing user-focused system improvements.

The consultation reaffirmed the strong partnership between FPPA and the World Bank and their shared commitment to building a modern, transparent, efficient, and technology-driven public procurement system that supports Ethiopia’s sustainable development agenda.

(ሀምሌ 28/2018 ዓ.ም) አዲስ አበባ — የመንግስት ግዥና ንብረት ባለስልጣን በክረምት የበጎ ፈቃድ አገልግሎት መርሃ ግብሩ አካል አድርጎ 8 ሺህ ችግኞችን የመትከል የተቀናጀ ንቅናቄ እያካሄደ ይገኛል።
ባለስልጣን መሥሪያ ቤቱ ከዚህ ቀደም በአዲስ አበባ ሳይንስና ቴክኖሎጂ ዩኒቨርሲቲ ግቢ ውስጥ ከ1,000 በላይ ችግኞችን የተከለ ሲሆን ከገንዘብ ሚኒስቴር እና ከተጠሪ ተቋማት ጋር በተካሄደው የጋራ የችግኝ ተከላ መርሃ ግብርም በግንባር ቀደምትነት በመሳተፍ አሻራውን አኖሯል።

የዚሁ ንቅናቄ ቀጣይ አካል የሆነውና 7,000 ችግኞች የተተከሉበት ታላቅ መርሃ ግብር ሐምሌ 28 ቀን 2018 ዓ.ም በምስራቅ ጉራጌ ዞን ቡኢ ከተማ በደመቀ ሁኔታ ተካሂዷል። ይህ የችግኝ ተከላ መርሃ ግብር ኢትዮጵያ በሀገር አቀፍ ደረጃ ተስፋን እንትከል በሚል መርህ «በአንድ ጀንበር 800 ሚሊዮን ችግኝ» ለመትከል የያዘችውን ታላቅ ዘመቻ የሚያግዝ እና የተቋሙን አካባቢያዊ ኃላፊነት የሚያሳይ ነው።

በችግኝ ተከላ መርሃ ግብር ላይ የተገኙት የመንግስት ግዥና ንብረት ባለስልጣን ዋና ዳይሬክተር ክብርት ወ/ሮ መሰረት መስቀሌ እንደገለጹት ችግኞችን መትከልና መንከባከብ የሀገርን ኢኮኖሚ ለማሳደግ፣ የከፋውን የአየር ንብረት ለውጥ ተጽዕኖ ለመታደግ እና የጸና የአረንጓዴ ኢኮኖሚ ግንባታን ለማረጋገጥ ወሳኝ ድርሻ ብለዋል።

ዋና ዳይሬክተሯ አክለውም ይህ የችግኝ ተከላ ንቅናቄ ባለስልጣኑ ትኩረት ሰጥቶ ከሚሰራበት «ዘላቂነት ያለው ግዥ» (Sustainable Procurement) እሴቶች ጋር በቀጥታ የተያያዘ መሆኑን ጠቁመው የአካባቢ ጥበቃን ከግዥ ሥርዓቱ ጋር በማቀናጀት ዘላቂነት ያለው ሀገራዊ ልማትን እውን ለማድረግ አጠናክሮ እንደሚቀጥል አረጋግጠዋል። ዋና ዳይሬክተሯ ባለስልጣኑ በ2017 በጀት ዓመት በዚህ ከተማ ከ25000 ችግኞችን እንደተከለ አስታውሰው ማህበረሰቡ እንዲንከባከባቸው አሳስበዋል።

ተቋሙ በክረምቱ የበጎ ፈቃድ አገልግሎቱ የማህበረሰብ አቀፍ ልማትና የአካባቢ ጥበቃ ስራዎችን አጣጥሞ በማስኬድ ረገድ አርአያነቱን እያሳዬ ይገኛል።

ሐምሌ 27 ቀን 2018 ዓ.ም (አዲስ አበባ)፡– የገንዘብ ሚኒስቴር እና የተጠሪ ተቋማት አመራሮችና ሠራተኞች “ተስፋን እንትከል!” በሚል መሪ ቃል በተካሄደው የ2018 ዓ.ም. የአረንጓዴ አሻራ የችግኝ ተከላ መርሐ-ግብር በቱሉ ዲምቱ አካባቢ ተገኝተው አረንጓዴ አሻራቸውን አኑረዋል።

የዕለቱን መርሐ-ግብር ያስጀመሩት የገንዘብ ሚኒስትሩ ክቡር አቶ አህመድ ሽዴ ባደረጉት ንግግር ባለፉት ስምንት ዓመታት የአረንጓዴ አሻራ መርሐ-ግብር ስኬታማ በሆነ መንገድ ሲከናወን መቆየቱንና በየዓመቱ የሚተከለውም የችግኝ መጠን እየጨመረ መምጣቱን ገልጸዋል። ይህ እንቅስቃሴ የምግብ ዋስትናን ለማረጋገጥ ከፍተኛ አስተዋጽኦ እያበረከተ ከመሆኑም በላይ የአካባቢ የደን መራቆትን በመከላከል የሀገሪቱን የደን ሽፋን በከፍተኛ ሁኔታ እንዲያድግ ማገዙን ጠቁመዋል።

ክቡር ሚኒስትሩ አክለውም መርሐ-ግብሩ በየዓመቱ በተደራጀ የሕዝብ ተሳትፎና አቅም የሚከናወን በመሆኑ ከፍተኛ የበጀት ቁጠባ ማስገኘቱን አብራርተዋል። በተለይም እንቅስቃሴው የደን ሽፋንን ለማሳደግ፣ የአየር ንብረት ለውጥ ተፅዕኖን ለመቀነስ፣ የአፈርና የውኃ ሀብትን ለመጠበቅ እንዲሁም ለመጪው ትውልድ አረንጓዴና ጤናማ አካባቢን ለማስረከብ የሚያስችል ብሔራዊ ንቅናቄ መሆኑን አግንነዋል።

በመጨረሻም የገንዘብ ሚኒስቴርና ተጠሪ ተቋማቱ ይህን ብሔራዊ ንቅናቄ በመደገፍ በቀጣይም የአካባቢ ጥበቃን፣ የአረንጓዴ ልማትንና የዘላቂ ልማት ግቦችን የሚያግዙ ተግባራትን በቁርጠኝነት እንደሚያስቀጥሉ ያረጋገጡ ሲሆን የኢፌዴሪ የመንግስት ግዥና ንብረት ባለስልጣን እንደ ገንዘብ ሚኒስቴር ተጠሪ ተቋም ንቁ ተሳትፎ ያደረገ ሲሆን ሀምሌ 28/2018 ዓ.ም በምስራቅ ጉራጌ ዞን ቡኢ ከተማ 7000 ችግኝ ተከላ መርሃ-ግብርን የሚያከናውን ይሆናል።