News

(ሀምሌ 23/2017 ዓ/ም)፣ የኢፌዴሪ የመንግስት ግዥና ንብረት ባለስልጣን በያዝነው የክረምት ወቅት የተለያዩ የበጎ አድራጎት ተግባራትን እያከናወነ ይገኛል፡፡ ከአከናዎናቸው የበጎ አድራጎት ተግባራት አንዱ ማዕድ ማጋራት ሲሆን ዛሬ የባለስልጣኑን ዋና ዳይሬከተር ክብርት ወ/ሮ መሰረት መስቀሌን ጨምሮ ሁሉም አመራር በመቄዶንያ የበጎ አድራጎት ማህበር በመገኘት ማህበሩ እያከናወናቸው የሚገኙ ፕሮጀክቶችን የመጎብኘት፣ ከ1000 በላይ አረጋውያን ማዕድ የማጋራትና  የማበረታታት ስራ ስርቷል፡፡

መቄዶንያ የበጎ አድራጎት ማህበር በመላ ሀገራችን 46 ቅርንጫፎች ያሉት ሲሆን በአጠቃላይ ከ8500 በላይ አረጋውያንን፣ አቅመ ደካሞችንና ህሙማንን ተቀብሎ የሚያኖር፣ የሚንከባክብ፣ የሚያሳክምና የሚጦር ማህበር መሆኑ በጉብኝቱ ወቅት ተጠቅሷል፡፡ በተጨማሪም በማህብሩ ውስጥ ማህበራዊ እና ሀይማኖታዊ ትውፊቶች ሳይቀር እኩል የሚስተናገዱበት ሂደት ኢትዮጵያን በአንድ ጣራ ስር እንድናያት የሚያደርግ እንደሆነ ተገለጿል፡፡

በማዕድ ማጋራቱ ወቅት ንግግር ያደረጉት የመንግስት ግዥና ንብረት ባለስልጣን ዋና ዳይሬከተር ክብርት ወ/ሮ መሰረት መስቀሌ  በንግግራቸው መንግስት ፖሊሲ ቀርጾ ከሚያከናውናቸው ተግባራት አንዱ ድጋፍ ለሚያስፈልጋቸው ዜጎች በምገባ፣ በትምህርት ቁሳቁስ፣ የአረጋውያንን ቤት በማደስ እና በመሳሰሉት ድጋፍ ማድረግ መሆኑን የገለጹ ሲሆን  ባለስልጣን መስሪያ ቤቱ ያደረገው ድጋፍም የዚህ አንድ አካል ነው ብለዋል፡፡ ክብርት ወ/ሮ መሰረት በንግግራቸው ሰውን የመደገፍ ምንጩ ሰው መሆናችን በመሆኑ መቄዶንያን መደገፍ ሀገርን መደገፍ ነው ምክያቱም ኢትዮጵያን በትክክል ልናያትና ልናውቃት የምንችለው መቄዶንያ የበጎ አድራጎት ማህበር ውስጥ ነው ሲሉ አክለዋል፡፡

በሌላ በኩል የማህበሩ መስራችና ስራ አስኪያጅ የክቡር ዶክተር ቢኒያም በለጠ ባለስልጣን መስሪያ ቤቱ ላደረገላቸው ድጋፍ አመስግነው መቄዶንያ የበጎ አድራጎት ማህበር በኢትዮጵያውያን ለኢትዮጵያውያን የሆነ ማህበር ነው ሲሉ አብራርተዋል፡፡ የክቡር ዶክተር ቢኒያም መቄዶንያ ምንም ሳይኖረው የተነሳ ነገር ግን በአሁኑ ወቅት ለምገባ በቀን ከ2.5 ሚሊዮን ብር በላይ የሚያወጣ ማህበር ነው፡፡ ይህ ደግሞ በቅን የኢትዮጵያ ልቦች የሚከናወን ነው በለዋል፡፡ የክቡር ዶክተር ቢኒያም አያይዘውም መቄዶንያ አሁን ላይ የሆስፒታል እና የአረጋውያን መጠለያን ጨምሮ ተደራሽነቱን ማስፋትም አስፈላጊ በመሆኑ ሁሉም ኢትዮጵያዊ የድርሻውን ቢወጣ ስራዎችን ማቅለል እንችላለን ብለዋል፡፡

በእለቱ የግዥና ንብረት ባለስልጣን ባከናወነም መልካም ተግባር እለቱ በቋሚነት በባለስልጣኑ ስም እንዲታወስ በአረጋውያን የተጠየቀ ሲሆን ሀምሌ 23 በየአመቱ “የመልካምነት ቀን” ተብላ አረጋውያንን በመንከባከብና መልካም በማድረግ የምትታሰብ ይሆናል፡፡

ባለስልጣን መስሪያ ቤቱ ከዚህ በፊትም የተለያዩ ድጋፎችን አድርጓል፡፡

(ሀምሌ 20/2017 ዓ.ም)፣ ለመንግስተ ግዥና ንብረት ባለስልጣን አመራርና ሰራተኞች ሲሰጥ የነበረው የእቅድ ዝግጅት፣ ክትትል፣ ግምገማ እና ሪፖርት አቀራረብ ስልጠና ተጠናቋል፡፡ ስልጠናው ሁለት ቀናትን የፈጀ ሲሆን የእቅድ አዘጋጃጀት፣ የግምገማ ስርዓትና ሂደት እንዲሁም ሪፖርት አቀራርብ ላይ የሚታዩ ክፍትቶችን ለመሙላትና በእቅድ ላይ የተመሰረት ተግባር ተኮር ውጤት ለማስመዝገብ ታስቦ የተዘጋጄ ነው፡፡

ስልጠናውን በንግግር የከፈቱትና የስልጠናው አካል የነበሩት የባለስልጣኑ ዋና ዳይሬክተር ክብርት ወ/ሮ መሰረት መስቀሌ ሲሆኑ የላቀ ውጤት እንዲመዘገብና የሚከናወኑ ተግባራት በስኬት እንዲጠናቀቁ እቅድ እጅግ አስፈላጊ ነው ብለዋል፡፡ ክብርት ወ/ሮ መሰረት አያይዘውም ተቋማዊ ራዕይ እና አላማ ያለ እቅድ ሊሳካ የሚችልበት አግባብ ሊኖር እንደማይችልና የሚታቀድ እቅድም የታቀደበት ስለማይሆን በእቅዳችን ስኬት ላይ ከፍተኛ አሉታዊ ተፅዕኖ ይኖረዋል፤ ስኬትም ከስኬታማ እቅድ ይመነጫል፡፡ ስለሆነም አሳታፊ እና ፈፃሚን የሚያነሳሳ እቅድ ማዘጋጀተት ብሎም እቅዳችን በየጊዜው መከታተልና መገመገም አሰፈላጊ ነው ብለዋል፡፡ ክብርት ወ/ሮ መሰረት በንግግራቸው እቅድ የተቋማዊ ስኬት መልህቅ አሊያም ነገን የምናይበት ብሩህ መንፅር በመሆኑ በትኩረት ልንሰራበት እንደሚገባ አብራርተዋል፡፡

በሌላ በኩል እቅድን ማባከን ነገን ማባከን በመሆኑ ትክክለኛ እና እኛን የሚገልፅ እቅድ ማቀድና ክትትልና ግምገማ ማድረግ ያስፈልጋል ሲሉ ስልጠናውን የሰጡት አቶ ጀማል አህመድ ገልጸዋል፡፡ አቶ ጀማል አክለውም እቅድ የህይወታችን መንገድ በመሆኑ ነገን ስኬታማ ለማድረግ ዛሬ ስኬታማ እቅድ ማቀድ ያስፈልጋል ያሉ ሲሆን በተጨማሪም እቅድ ማቅድ ብቻውን ስኬት የማያመጣ በመሆኑ የእቅድ ክትትል እና ግምገማ ማካሄድ ብሎም እንደ ተጨባጭ ሁኔታዎች መከለስ የሚያስፈልግ ይሆናል ብለዋል፡፡

(ሀምሌ 18/2017 ዓ.ም)፣ የመንግስት ግዥና ንብረት ባለስልጣን አመራርና ሰራትኞች በክረምት ወራት ከዋናው ስራቸው ጎን ለጎን የተለያዩ የብጎ አድራጎት ተግባራትን እያከናወኑ ይገኛሉ፡፡ በዚህም በእንጦጦ እና በላፍቶ ለሶስት ጊዜያት የችግኝ ተከላ መርሃግብር ያከናወኑ ሲሆን በዛሬው እለትም “ደም በመለገስ ህይወትን እንታደግ” በሚል መሪ ቃል የደም በመለገስ መርህግብር አከናውነዋል፡፡

በቀሪ የክረምት ወራትም የችግኝ ተከላ፣ የምገባ፣ አቅመ ደካሞችን የማገዝና ሌሎች የበጎ አድራጎት ተግባራት ተጠናክረው የሚቀጥሉ ሲሆን ይህ የደም ልገሳ መርሃግብርም የክረምቱ የበጎ አድራጎት አንዱ አካል ነው።

(ሀምሌ 16/2017 ዓ/ም)፣ የኢፌዴሪ የመንግስት ግዥና ንብረት ባለስልጣን አመራርና ሰራተኞች  3ኛውን ዙር የችግኝ ተከላ መርሃግብር በእንጦጦ ፓርክ በተዘጋጀላቸው ስፍራ አከናውነዋል።

የችግኝ ተከላ መርሃ ግብሩ ላይ የባለስልጣኑ ዋና ዳይሬክተር ክብርት ወ/ሮ መሰረት መስቀሌን ጨምሮ ሁሉም አምራርና ሰራተኞች የተሳተፉ ሲሆን በእለቱ ከ2000 በላይ ችግኞችን መትከል ተችሏል፡፡ ይህም እንደሀገር የተያዘውን “በመትከል ማንሰራራት” አንዱ አካል ሲሆን በቀሪ የክረምት ጊዜም የችግኝ ተከላው መርሃግብር የሚቀጥል ይሆናል፡፡

ኢትዮጵያ ከአለፉት አመታት ጀምሮ የአየር ንብረት ለውጥን ለመግታት አረንጓዴ አሻራ መርሃግብርን (Green Legacy Initiative) ቀርጻ እየተንቀሳሰች የሚገኝ ሲሆን በዚህ የክረምት ወቅትም 7.5 ቢሊዮን ችግኞችን እንደሚተከሉ ይጠበቃል፡፡