The FDRE Public Procurement and Property Authority
በኢፌዲሪ የመንግስት ግዥና ንብረት ባለስልጣን
News
የመንግስት ግዥና ንብረት አስተዳደር ኤጀንሲ ዓለም ዓቀፍ የሴቶች ቀንን አከበረየመንግስት ግዥና ንብረት አስተዳደር ኤጀንሲ ከገንዘብ ሚኒስቴርና የገንዘብ ሚኒስቴር ተጠሪ ከሆኑት ተቋማት ጋር በመሆን በዓለም ለ110ኛ ጊዜ በኢትየጵያ ደግሞ ለ45ኛ ጊዜ የሚከበረውን የዓለም የሴቶች ቀን "መብት የሚያስከብር ማህበረሰብ እንገንባ” በሚል መሪ ቃል የካቲት 26 ቀን 2013 ዓ.ም. በመንግስት ግዥና ንብረት ማስወገድ አገልግሎት አዳራሽ በድምቀት አከበረ፡፡ ክብርት ያስሚን ወሃብረቢ የገንዘብ ሚኒስቴር ሚኒስትር ዴኤታ በመክፈቻው ንግግር ላይ እንደተናገሩት ሴቶች በሀገራችን ላይ ከፍተኛ ሚና እየተጫወቱ እንዳለ ገልጸው፣ በተለይ ባለፉት ሶሰት የለውጥ ዓመታት ሴቶች በሃገሪቱ ወሳኝ በሆነ ፖለቲካዊና ኢኮኖሚያዊ ጉዳዮች ላይ ተሳትፎአቸው በእጅጉ እያደገ መምጣቱን ገልጸዋል፡፡በመቀጠልም ክብርት ሚኒስትር ዴኤታዋ ማርች 8 የሴቶችን የትግል ታሪክ፣ ሴቶች በቆራጥነት ያገኙትን ድል የምናሰታውስበትና የመጪው ዘመን ትግል በይበልጥ ተጠናክሮ እንዲቀጥል የሚደረግበት ዕለት መሆኑን አሰረድተዋል፡፡በዚህ የሴቶች ክብረ በዓል ላይ ዓለም አቀፍ የሴቶች ቀንን እና አካል ጉዳተኞችን አስመልክቶ ለተሳታፊዎች የግንዘቤ ማስጨበጫ በባለሙያዎች ተሰጥቷል፡፡ በመጨረሻ ይህንን ዓለም አቀፍ የሴቶች ቀንን በማስመልከት የእንጦጦ ፓርክ የጉብኘት ፕሮግራም ተካሄዷል፡፡ ለአንድ ቀን በቆየው ዓለም አቀፍ የሴቶች ቀን ክብረ በዓል ላይ ከተሳታፊዎች አሰያየቶች ተሰጥተዋል፡፡ የፌ.መ.ግ.ን.አ.ኤ ህዝብ ግንኙነትና ኮሚዩኒኬሽን ዳይሬክቶሬት |
||
|
ክቡር ዶ/ር እዮብ ተካልኝ የገንዘብ ሚኒስቴር ሚኒስትር ዴኤታ በመክፈቻውም ንግግር ላይ እንደተናገሩት የመንግስት ግዥን በዕቅድ ላይ በተመሰረተና ገንዘብ ሊያስገኝ የሚችለውን ከፍተኛ ጥቅም /Value for Money/ ማስገኘት በሚያስችል መልኩ መፈጸም እንዳለባቸው፣ እንዲሁም በዚህ መልኩ የሚገኝን የመንግስትና ህዝብ ሃብት የሆነውን ንብረቶች በአግባቡ ይዘው ሊያስተዳድሩና አገልግሎት ላይ ሊያውሉ እንደሚገባ፣ የመጠቀሚያ ጊዜያቸው ሲያልፍም ለበለጠ ጉዳት ከመዳረጋቸው በፊት፣ በሰውና በአከባቢ ላይ ጉዳት ከማድረሳቸው አስቀድሞ መንግስት በዘረጋው የአወጋገድ ሥርዓት መሠረት ሊያስወግዱ እንደሚገባ በመንግስት የግዥና የንብረት አሰተዳደር አዋጅ ቁጥር 649/2001 እና በአፈጻጸም መመሪያዎች ተደንግጎ እንደሚገኝ ገልጸዋል፡፡
በኤጀንሲው ዳይሬክተሮች በበጀት ዓመቱ የታቀዱ ዋና ዋና ሥራዎችን፣ የተከናወኑ ሥራዎችን፣ ያጋጠሙ ችግሮችን፣ የመፍትሄ ሃሳቦችን፣ ትኩረት ሊደረግባቸው ስለሚገቡ ጉዳዮችና ከመደበኛ ሥራ ውጭ ስለተከናወኑ ሥራዎች ከተገልጋይ፣ ከውስጥ አሰራር፣ ከፋይናንስ እና ከመማርና ዕድገት ዕይታዎች አንጻር ሰፋ ያለ ገለጻ አድርገዋል፡፡
ሥልጠናውን የሰጡት በመንግስት ግዥና ንብረት አስተዳደር ኤጀንሲ የግዥና ንብረት አስተዳደር ዳይሬክተሮችና የግዥና ንብረት ባለሙያዎች ሲሆኑ፣ ስለመንግስት ግዥ ምንነት? የመንግስት ግዥ ስለሚመራባቸው ህጎች፣ ስለመንግስት ግዥ መርሆዎች፣ ስለ መንግስት ግዥ አፈጻጸም ተግባርና ኃላፊነት፣ ስለግዥ ሥርዓትና ዑደት፣ ስለጨረታ ሰነድ ዝግጅት፣ ስለመንግስት ግዥ እና ስለመንግሥት ግዥ አጠቃላይ ገጽታ የግንዛቤ ማሳደጊያ ሥልጠና በዝርዝር አስረድተዋል፡፡
