የፌዴራል መንግሥት የግዥና የንብረት አስተዳደር ኤጀንሲ ለመላው የኤጀንሲው ኃላፊዎች እና ሠራተኞች የ2010 በጀት ዓመት የ6 ወራት ዕቅድ አፈጻጸም ሪፖርትን በተመለከተ ጥር 22 ቀን 2010 ዓ.ም. በመንግስት ግዥና ንብረት ማስወገድ አገልግሎት አዳራሽ ውይይት አካሄደ፡፡አቶ ጆንሴ ገደፋ የመንግስት ግዥና ንብረት አስተዳደር ኤጀንሲ ተ/ዋና ዳይሬክተር በመክፈቻው ሥነ ሥርዓት ላይ እንደተናገሩት የውይይቱ ዋና ዓላማ የ2010 በጀት ዓመት የ6 ወራት ዕቅድ አፈጻጸማችን ምን እንደሚመስልና በቀጣይ የስድስት ወራት በጀት ዓመት ለምንሰራው ስራ አቅጣጫ መያዝ እንዳለብን፣ አዲስ በተዘጋጀው የውጤት ተኮር መመሪያ እና የምደባ አካሄድ እንዲሁም በሙሰና
መከላከል ሰትራቴጂክ ዕቅድ ላይ በማተኮር ውይይት እንደሚደረግ በመግለጽ ስብሰባውን ከፍተዋል፡፡
አቶ አድማሱ ማሞ የለውጥ ትግበራ ዕቅድ ዝግጅትና ክትትል ዳይሬክቶሬት ዳይሬክተር የ2010 በጀት ዓመት የ6 ወራት ዕቅድ አፈጻጸም ሪፖርትን በሚመለከት የለውጥና የመልካም አስተዳደር እንዲሁም የመደበኛ ሥራዎች የ2010 የስድስት ወራት ዕቅድ አፈፃፀም በጥንካሬና በዕጥረት የታየ ሲሆን፣ የመንግስት ግዥና ንብረት አስተዳደር ኤጀንሲ ዕቅድ አፈፃፀምን በማጠቃለል፣ በከይዘን፣ በለውጥና መልካም አስተዳደር ዙሪያ ባጋጠሙ ችግሮችና በተወሰዱ የማስተካከያ አሰራሮች ላይ በሰፊው ውይይት አድርገዋል፡፡አቶ መስፍን መኮንን የሰው ሀብት ሥራ አመራርና ጠቅላላ አገልግሎት ዳይሬክቶሬት ዳይሬክተር በተሻሻለው የውጤት ተኮር ዕቅድ ዝግጅት፣ ትግበራና የአፈጻጸም ምዘና መመሪያ መነሻዎች፣ ዓላማዎች፣ የሰራተኛ የውጤት ተኮር ዕቅድ ዝግጅት፣ የአፈፃፀም ስምምነት፣ ክትትልና ግምገማ፣ የአፈጻጸም ምዘና፣ የውጤት ተኮር ሥራ አፈጻጸም ምዘና ደረጃ አሰጣጥ፣ድህረ ምዘና ተግባራት እና የልዩ ልዩ አካላት ተግባርና ኃላፊነትን በሚመለከት የግንዛቤ ማስጨበጫ ሰጥተዋል፡፡
በመቀጠልም አቶ መስፍን በነጥብ የሥራ ምዘናና ደረጃ አወሳሰን የድልድል አፈፃፀም መመሪያን በሚመለከት ስለድልድል መመሪያው ዓላማ፣ መርሆዎች፣ የሠራተኛ ውድድር/ድልድል አፈጻጸም፣ አዎንታዊ ድጋፍ፣ የሠራተኞች ለድልድል ማሟላት የሚገባቸው ቅድመ ሁኔታዎች፣ የቅሬታ አቀራረብና አፈታት ሂደት እና የመመዘኛ መስፈርቶች ላይ ሰፋ ያለ ገለጻ አድርገዋል፡፡
ከመ.ግ.ን.አ.ኤ. የሕዝብ ግንኙነትና ኮሚዩኒኬሽን ዳይሬክቶሬት
፡፡
አሰልጣኙ አዋጁ 12 ክፍሎች ያሉት ሲሆን በክፍል ሶስት አንቀጽ 19፣ በክፍል አራት ንኡስ ክፍል ሁለት አንቀጽ 42 እና በክፍል አምስት አንቀጽ 48 ላይ ለሴት ሠራተኞች ልዩ ትኩረት በመስጠት የተለያዩ ድንጋጌዎች መካተታቸውን፣ አንቀጽ 19/5 በሙከራ ላይ ያለ የመንግሥት ሠራተኛ በሥራ ምክንያት በሚመጣ በሽታ ወይም በሥራ ላይ በሚደርስ አደጋ ምክንያት ከሥራ የቀረ እንደሆነ ያልጨረሰውን የሙከራ ጊዜ ከሕመሙ ወይም ከጉዳቱ ከዳነበት ጊዜ አንስቶ እንዲጨርስ እንደሚደረግ፣ አንቀጽ 19/7 የዚህ አንቀጽ ንዑስ አንቀጽ (5) ድንጋጌ ቢኖርም በወሊድ ምክንያት ከአንድ ወር በላይ በሥራዋ ላይ ያልተገኘች የሙከራ ሠራተኛ የወሊድ ፈቃዷ እንደተጠናቀቀ የሙከራ ጊዜ እንድትጨርስ እንደሚደረግ፤ ሆኖም በሙከራ ሥራዋ ላይ ያልተገኘችበት ጊዜ ከአንድ ወር በታች ከሆነ የሥራ አፈጻጸም ምዘና ውጤቷ በሥራ ላይ በቆየችበት ጊዜ ታስቦ እንደሚሞላላት፣ የወሊድ ፈቃድንም በሚመለከት ነፍሰጡር የሆነች የመንግሥት ሠራተኛ መውለጃዋ ሲደርስ እወልዳለሁ ብላ ከገመተችበት ቀን በፊት 30 ተከታታይ ቀናት የቅድመ ወሊድ ፈቃድ፣ እንዲሁም ስትወልድ ከወለደችበት ቀን ጀምሮ 90 ተከታታይ ቀናት፣ በአጠቃላይ 120 ተከታታይ ቀናት ደመወዝ የሚከፈልበት የወሊድ ፈቃድ እንደሚሰጣት፣ ሴቶች በቅጥር፣ በደረጃ እድገት፣ በዝውውር፣ በድልድል፣ በትምህርትና ሥልጠና አፈጻጸም የተጨማሪ ድጋፍ እርምጃ ተጠቃሚ እንደሚሆኑ በዝርዝር አሰረድተዋል፡፡ወ/ሮ ሊዲያ ንጋቱ በፐብሊክ ሰርቪስ የሴቶችና ወጣቶች ጉዳይ ዳይሬክቶሬት የስርዓተ ፆታ ጉዳይ ባለሙያ የሆኑት የፎረም አደረጃጀትን በተመለከተ ፎረም ማለት ምን ማለት ነው? ለሴቶች በመ/ቤት /ፎረም መመስረት/ የሚኖረው ፋይዳ፣ በፌዴራል ተቋማት የሴቶች ሠራተኞች ፎረም ለማቋቋም ዝርዝር ዓላማ፣ በፌዴራል መንግስት ተቋማት የፎረም አስፈላጊነት፣ የፌዴራል መንግስት ተቋማት ፎረም አመሠራረት፣ የሴት ሠራተኞች ፎረም መተዳደሪያ ደንቡ ሲዘጋጅ በውስጡ የሚኖረው ይዘት የሚለውን በዝርዝር አሰረድተዋል፡፡በቀረበው ገለጻና ማብራሪያ ከተሳታፊዎች በርካታ ጥያቄዎችና አስተያየቶች ተነስተው ለጥያቄዎቹም ምላሽ ተሰጥቷል፡፡ለግማሽ ቀን የቆየው በሲቪል ሰርቪስ መመሪያዎች፣ ህጎች እና የፎረም አደረጃጀት በተመለከተ ሥልጠና ላይ የሁለቱም መ/ቤት ሃላፊዎችና ሠራተኞች ተሳታፊ ሆነዋል፡፡
በመቀጠልም አሰልጣኟ የሰብዓዊ መብቶች ታሪካዊ አመጣጥ፣ የሰብዓዊ መብቶች ባህሪያትና አመዳደብ፣ የሰብዓዊ መብቶች ገደቦች እና እገዳዎች፣ ሰብዓዊ መብቶችና የመንግስት ግዴታዎች፣የዓለም አቀፍ የሰብዓዊ መብቶች ማስፈፀሚያና መከታተያ ሥርዓትና ሕጎች፣ አለምአቀፍ የሰብአዊ መብቶች ስምምነቶች ይዘት የሰብዓዊ መብት እና የመልካም አሰተዳደር ትስስር/ቁርኝትን በሚመለከት ሰፋ ያለ ገለጻ አድርገዋል፡፡አቶ ታደሰ ተሰማ በሰብዓዊ መብት ኮሚሽን የሰብአዊ መብት ግንዛቤ ማስፋፊያ ዳይሬክቶሬት ዳይሬክተር ለመብት ጥሰት ተጋላጭ ሰለሆኑ የህብረተሰብ ክፍሎች፣ ሰብአዊ መብቶችን ያማከለ አሰራር ለልማት ማለት በየትኛውም የልማት ስራ ሂደት ውስጥ የአለም አቀፍ እና ሃገር አቀፍ የሰብዓዊ መብት መርሆዎችን ማስከበር እና ማክበር በሚያስችል መንገድ አጣምሮ ማስኬድንየሚያረጋግጥ የአሰራር ስርአት መሆኑን፣ ስለድህነት ትርጉም፣ድህነት ከሰብአዊ መብቶች መረጋገጥ ጋር ቁርኝት እንዳለው፣(ማህበራዊ ፖለቲካዊ ኢኮኖሚያዊ እና ባህላዊ መብቶች ጋር)፣ የሰብአዊ መብቶች፤ ልማት እና ድህነት ቅነሳ ስላላቸው ግንኙነት በሰፊው ገልጸዋል፡፡በቀረበው ገለጻና ማብራሪያ ከተሳታፊዎች በርካታ ጥያቄዎችና አስተያየቶች ተነስተው ለጥያቄዎች ምላሽ ተሰጥቶባቸው የዕለቱ ሥልጠና ተጠናቋል፡፡ለአንድ ቀን በቆየው በሰብዓዊ መብት ዙሪያ የግንዛቤ ማስጨበጫ ሥልጠና ላይ የኤጀንሲው ኃላፊዎች እና ሠራተኞች ተሳታፊ ሆነዋል፡፡