The FDRE Public Procurement & Property Administration Agency

በኢፌዲሪ የመንግስት ግዥና ንብረት አስተዳደር ኤጀንሲ

Detail Tender Information

Bid No. [ PPPDS/NVP-1FBI/06/03/2013 ]
Procurement Type Goods
Fiscal Year 2020
Bid Description

የቀንድ ከብቶች ሽያጭ ማስታወቂያ

የመንግሥት ግዥና ንብረት ማስወገድ አገልግሎት በጨረታ ቁጥር PPPDS/NVP-1FBI/06/03/2013 ንብረትነታቸው የኢትዮጵያ ስጋና ወተት ኢንዱስትሪ ልማት ኢንስቲትዩት (ቢሾፍቱ) የሆኑ 37 ኮርማዎች፣ ላሞች እና ጥጆች ባሉበት ሁኔታና ቦታ በጨረታ አወዳድሮ ለመሸጥ ይፈልጋል::

ስለሆነም ተጫራቾች ከዚህ በታች የተመለከቱትን ነጥቦች በማሟላት ቀርበው መወዳደር ይችላሉ፡፡

  1. በጨረታው የሚወዳደሩት ተጫራቾች ኢትዮጵያዊ ዜግነት ያላቸው ሆነው ሠነድ ለመግዛት ሲመጡ ይህንኑ የሚያረጋግጥ ሰነድ ወይም መታወቂያ ይዘው መቅረብ ይኖርባቸዋል፡፡
  2. በገንዘብና ኢኮኖሚ ትብብር ሚኒስቴር ቁጥር 2 ግቢ ውስጥ በሚገኘው የመንግሥት ግዥና ንብረት ማስወገድ አገልግሎት ህንፃ ቁጥር 5 ቢሮ ቁጥር 007 በመምጣት የጨረታውን ዝርዝር መረጃ የያዘ የተጫራቾች መመሪያ እና የዋጋ ማቅረቢያ ቅጽ የማይመለስ ብር 100.00 /አንድ መቶ ብር/ ከፍለው መውሰድ ይችላሉ፣
  3. ተጫራቾች ሰነድ ገዝተው ማስታወቂያው ከወጣበት ቀን ጀምሮ ጨረታው እስከሚዘጋበት ቀን ዘወትር በሥራ ቀናት ከጠዋቱ 3፡00 እስከ 10፡00 ሰዓት ባለው ጊዜ ውስጥ ከላይ በተጠቀሰው መ/ቤት በመሄድ ለጨረታ የቀረቡትን የቀንድ ከብቶች መመልከት ይችላሉ፣
  4. ለጨረታ የቀረቡት የቀንድ ከብቶች የጨረታው አጠቃላይ ሂደት እስኪጠናቀቅ ከአቅም በላይ በሆነ ምክንያት የጤና ችግር ወይም አስገዳጅ ሁኔታ ችግር የገጠመው ከብት ከጨረታ ውጪ ይደረጋል፡፡
  5. ተጫራቾች ለሚገዙት የቀንድ ከብት ለእያንዳንዱ የጨረታ መነሻ ዋጋ 10 በመቶ (10%) የጨረታ ማስከበሪያ በባንክ በተረጋገጠ ሲፒኦ ከጨረታ ሰነዱ ጋር በማያያዝ ሣጥኑ ውስጥ ጨረታው ከመከፈቱ በፊት ማስገባት ይኖርባቸዋል፡፡ የጨረታ መገምገሚያ መስፈርት ዋጋና የተሟላ የጨረታ ማስከበሪያ ዋስትና (ሲፒኦ) እንዲሁም በሰነዱ የተገለጹትን ቅድመ ሁኔታዎች አሟልቶ መገኘት ነው፡፡ የሚዘጋጀው የጨረታ ማስከበሪያ ሲፒኦ ከአዲስ አበባ ከተማ ውጭ ከሆነ ከኢትዮጵያ ንግድ ባንክ ቅርንጫፎች ብቻ መሆን ይኖርበታል፣
  6. የጨረታ ሳጥኑ ጨረታው በጋዜጣ ከወጣበት ቀን ጀምሮ በ16ኛው ቀን ከጠዋቱ በ4፡00 ሰዓት ተዘግቶ በዚያኑ ቀን በ4፡15 ሰዓት ተጫራቾች ወይም ሕጋዊ ወኪሎቻቸው በተገኙበት በመንግሥት ግዥና ንብረት ማስወገድ አገልግሎት መሰብሰቢያ አዳራሽ ይከፈታል፡፡ ሆኖም የመክፈቻ ቀኑ ቅዳሜና እሁድ ወይም የበዓላት ቀን ከዋለ በሚቀጥለው የሥራ ቀን ይሆናል፡፡  እንዲሁም ተጫራቹ በራሱ ምርጫ ጨረታው በሚከፈትበት ጊዜ ሳይገኝ ቢቀር የጨረታውን መከፈት አያስተጓጉልም፣
  7. በጨረታው አሸናፊ ተጫራቾች የአሸናፊዎች ዝርዝር ማስታወቂያ ሰሌዳ ላይ ከተለጠፈበት ቀን ጀምሮ በሚቆጠር ከ7 /ሰባት/ ተከታታይ የሥራ ቀናት በኋላ ባሉት 5 /አምስት/ ተከታታይ የሥራ ቀናት ውስጥ የውል ማስከበሪያ የውል ዋጋውን 10 በመቶ በማቅረብ ከአገልግሎቱ ጋር ውል መፈራረምና ያሸነፉበትን ዋጋ በሙሉ መክፈል ይኖርባቸዋል፡፡ ሆኖም ከላይ በተገለጸው መሰረት ውል ካልፈረሙ ወይም ሙሉ ክፍያውን በተጠቀሰው ጊዜ ገደብ መክፈል ካልቻሉ ያስያዙት የጨረታ ማስከበሪያ ለመንግስት ገቢ ይደረጋል፣
  8. ተጫራቾች ከአገልግሎቱ ጋር ውል በመዋዋል በጨረታ ያሸነፉበትን የቀንድ ከብት በ10 ቀናት ውስጥ የማንሳት ግዴታ አለባቸው፣ በተጠቀሰው የጊዜ ገደብም ስለማንሳታቸው ከተረከቡበት መ/ቤት ማስረጃ በመቀበል ለአገልግሎቱ ሲያቀርቡ ያስያዙት የውል ማስከበሪያ ተመላሽ ይደረግላቸዋል፡፡
  9. ተጨማሪ ማብራሪያ ካስፈለገ በስልክ ቁጥር 011-154-04-25 ወይም 011-122 37-08/36 ደውሎ መጠየቅ ይቻላል፣

10. አገልግሎቱ ጨረታውን ለመቀበል ወይም ላለመቀበል የሚችል ሲሆን በማናቸውም ጊዜ ጨረታውን ለመሰረዝ መብቱ የተጠበቀ ነው፣

የመንግሥት ግዥና ንብረት ማስወገድ አገልግሎት

አዲስ አበባ

Bid Attachment

PPPDS.docx

Mode of procurement NCB
Bid Closing Date 28/12/2020
Bid Closing Time 10:00 am
Expected Award Date28/01/2021
Extended To
Reason for extension