የመንግስት ግዥና ንብረት አስተዳደር ኤጀንሲ ከገንዘብና ኢኮኖሚ ትብብር ሚኒስቴር፣ ከመንግስት ግዥና ንብረት ማስወገድ አገልግሎትና ከኢትዮጵያ ነዳጅ ድርጅት ጋር በመተባበር 41ኛው ዓለም አቀፍ የሴቶች ቀንን (ማርች 8) በሚመለከት የካቲት 28 ቀን 2009 ዓ.ም. በመንግስት ግዥና ንብረት ማስወገድ አገልግሎት አዳራሽ ውይይት አካሄደ፡፡
አቶ አክሊሉ ገብረስላሴ በገንዘብና ኢኮኖሚ ትብብር ሚኒስቴር የሚኒሰትሩ ጽ/ቤት ኃላፊና አማካሪ በመክፈቻው ሥነ-ሥርዓት ላይ እንደተናገሩት የሴቶች የረጅም ጊዜ የነጻነት ትግል ውጤት የሆነው ዓለም አቀፍ የሴቶች ቀን /ማርች 8/ ዘንድሮ በዓለም አቀፍ ደረጃ ለ106ኛ በሀገራችን ደግሞ ለ41ኛ ጊዜ በተለያዩ ትምህርት ሰጪ ፕሮግራሞች ‹‹የሴቶች የቁጠባ ባህል ማደግ ለህዳሴያችን መሰረት ነዉ!›› በሚል መሪ ቃል እየተከበረ መሆኑንና በአደጉት እና በታዳጊ ሀገሮች ሰለዓለም አቀፍ የሴቶች ቀን ታሪካዊ አመጣጥና አከባበር በዝርዝር ገልጸዋል፡፡
ወ/ሮ ነጠሩ ወንድወሰን በገንዘብና ኢኮኖሚ ትብብር ሚኒስቴር የሥርዓተ ጾታ ጉዳዮች ዳይሬክቶሬት ዳይሬከተር ባቀረቡት ጽሁፍ ስለ ሴቶች ጭቆና በዓለም አቀፍ ደረጃ ሴቶች በተለያዩ የተዛቡ አመለካከቶችና የባህል ተፅእኖዎች ምክንያት በህበረተሰቡ ውስጥ የሚገባቸውን ቦታ ይዘው መብቶቻቸው ተጠብቀውላቸው በሀገር ልማት ውስጥ ሊያደርጉ የሚችሉትንና የሚገባቸውን ተሳትፎ እንዳያደርጉ የሚያስችሉ አሰራሮችና ድርጊቶች እንደነበሩ ገልጸዋል፡፡
በመቀጠልም በአህጉር ደረጃ አፍሪካ የሴቶች ኢኮኖሚያዊ፣ ማህበራዊ እና ፖለቲካዊ መብቶች ሙሉ በሙሉ በሚባል ሁኔታ የተነፈጉባት እንደነበር፣ ይህን ሁኔታ ለመቀየር የአፍሪካ ሴቶች አህጉሪቱን ከአውሮፓዊያን የቅኝ አገዛዝ ነጻ ለማውጣት ያበረከቱት እና የተጫወቱት ሚና ትልቅ እንደነበርና በአገራችንም በተለያዩ ወቅቶች የተለያዩ ሥርዓቶች የተፈራረቁባትና ሥርዓቶቹም የየራሳቸው ባህሪ የነበራቸው ሲሆን፣በመሰረታዊ ይዞታቸው በህብረተሰቡ ጥያቄዎች አፈታትና በሴቶች ጥያቄዎች አፈታት ላይ ተቀራራቢነት እንደነበራቸው አሰረድተዋል፡፡
ወ/ሮ ወይዘር በላይ በቤተሰብ መምሪያ ከፍተኛ ባለሙያ የሆኑት ሥልጠና የሰጡ ሲሆን፣ በአሁኑ ጊዜ ሴቶቸን እያጠቃ ስላለው የማህፀን ጫፍ ካንሰር ምንነት፣ አጋላጭ ሁኔታዎች፣ ምልክቶቹ፣ ምርመራ ሰለማድረግ፣ ግንዛቤ ስለመፍጠርና ስለህክምና መንገዱ በዝርዝር አሰረድተዋል፡፡
በመጨረሻም ተምሳሌት ከሆኑ ሴቶች መካከል የሕግ ባለሙያ የሆኑት ወ/ሮ መዓዛ አሸናፊ የህይወት ልምዳቸውን ለተሳታፊዎች ያካፈሉ ሲሆን፣ ተሳታፊዎችም ጥያቄዎችን በመጠየቅና አሰተያየት በመስጠት ተሳታፊ ሆነዋል፡፡
ለግማሽ ቀን በቆየው የዓለም አቀፍ የሴቶች ቀን (ማርች 8) ስብሰባ ላይ የገንዘብና ኢኮኖሚ ትብብር ሚኒስቴርና ተጠሪ መ/ቤቶች ተሳታፊ ሆነዋል፡፡
የፌ.መ.ግ.ን.አ.ኤ ህዝብ ግንኙነትና ኮሚዩኒኬሽን ዳይሬክቶሬት
አቶ ጆንሴ ገደፋ የመንግስት ግዥና ንብረት አስተዳደር ኤጀንሲ ጊዜያዊ ዋና ዳይሬክተር በመክፈቻው ሥነ ሥርዓት ላይ እንደተናገሩት በአገራችን የተጀመረውን ፈጣን ልማትና የዲሞክራሲያዊ ሥርዓት ግንባታ ሂደት ቀጣይነት ለማረጋገጥ፣ በመንግሥት ግዥ አፈጻጸም ውስጥ ሊከሰት የሚችል የኪራይ ሰብሳቢነት አመለካከትን በአገር ደረጃ ከምንጩ ለማድረቅ እና በምትኩ ተገልጋይን ማዕከል ያደረገ አሠራርን እና መልካም አሰተዳደርን ለማስፈን፣ በሀገር ደረጃ የተጀመረውን የለውጥ ሰራዊት ግንባታ ከዳር ለማድረስና የህዝብ ክንፍን በመለየት በጋራ ቋሚ መድረክ በመገናኘት ከምንግዜውም በበለጠ ተቀናጅተን መሥራት እንደሚጠበቅብን ገልጸዋል፡፡
ዳይሬክተር በዝርዝር ቀርቧል፡፡
በዕለቱ የለውጥ ትግበራ ዕቅድ ዝግጅትና ክትትል ዳይሬክቶሬት ዳይሬክተር አቶ አድማሱ ማሞ አጠቃላይ የኤጀንሲውን የከልቡ (ከይዘን ልማት ቡድን) የ5ቱ ማዎችና የብክነት ነባራዊ ሁኔታ ዳሰሳ የሚገኝበት ደረጃና የተጣሉትን ግቦች በከይዘን የትግበራ ዕወጃ ያቀረቡ ሲሆን፣ የከይዘን 5ቱ ማዎች ማለትም ማጣራት፣ ማስቀመጥ፣ ማጽዳት፣ ማላመድና ማዝለቅን በተመለከተ ለተሳታፊዎች አብራርተዋል፡፡
አቶ ፀጋዬ አበበ የመንግስት የግዥና የንብረት አስተዳደር ኤጀንሲ ዋና ዳይሬክተር በመክፈቻው ሥነ ሥርዓት ላይ እንደተናገሩት የውይይቱ ዋና ዓላማ የ2009 በጀት ዓመት የ9 ወራት ዕቅድ አፈጻጸማችን ምን ይመስላል? በቀሪዎቹስ ሁለት ወራት እንዴት አሟልተን እንጨርሳለን? ከመልካም አስተዳደር፤ ከለውጥ ትግበራ፣ ከተገልጋይ፣ ከፋይናንስ፣ ከውስጥ አሠራር፣ ከመማማርና ዕድገት እይታዎች አንፃር ምን አቀድን? ምን ሰራን? ያጋጠሙ ችግሮችና መፍተሄዎቻቸውስ ምን መሆን አንዳለባቸው ለይተን በማውጣት የወደፊት አቅጣጫዎች ላይ ማተኮር አለብን በማለት የዕለቱን ውይይት ከፍተዋል፡፡
አቶ ጆንሴ ገደፋ የመንግስት ግዥና ንብረት አስተዳደር ኤጀንሲ ምክትል ዋና ዳይሬክተር የውይይቱ ዓላማ የመንግስት ግዥና ንብረት አስተዳደር ኤጀንሲ ከመንግስት ግዥና ንብረት ማስወገድ አገልግሎት ጋር በጋራ በመሆን የዉይይት መድረኩ የተዘጋጀ መሆኑን፣በአሁኑ ጊዜ ትልቁ ችግር በመንግስት ግዥና ንብረት አከባቢ የሚስተዋለዉን የግንዛቤ ክፍተት ዙሪያ መንግስት ትኩረት የሰጠው ጉዳይ መሆኑን፣በአብዛኛው የሚታየው የአፈጻጸም ችግር ለመቅረፍ ኤጀንሲዉ ትኩረት ሰጥቶ እየሰራ መሆኑን፣ባለበጀት መስሪያ ቤቶች አመታዊ የግዥ ዕቅድ ስለማቅረብ፣ ለመንግስት ግዥና ንብረት አሰተዳደር ኤጀንሲ ስለተሰጠው ኃላፊነት፣የተጠያቂነት ሥርዓት ስለመዘርጋት የሚሉትን እና ሌሎች ጉዳዮች ዙሪያ በዝርዝር ዉይይት አድርገዋል፡፡