የመንግስት ግዥና ንብረት አስተዳደር ኤጀንሲ ለከፍተኛ ትምህርት ተቋማት የበላይ አመራሮች በመንግስት ግዥና ንብረት አስተዳደር አዋጅ፣ ደንብና መመሪያ ዙሪያ ከመጋቢት 26-28/2011 ዓ.ም በዓዳማ ሳይንስና ቴክኖሎጂ ዩኒቨርሲቲ የመሰብሰቢያ አደራሽ የግንዛቤ ማስጨበጫ ስልጠና ሰጠ፡፡ክብርት ወ/ሮ ማርታ ሉዊጂ የመንግስት ግዥና ንብረት አስተዳደር አጄንሲ ዋና ዳይሬክተር በሥልጠናው ላይ እንደተናገሩት ግዥ ማለት የመንግስትንና የህዝብን ሀብት ለዜጎች ዕኩል የምናካፍልበትና ዕኩል የመግዛትና የመሸጥ ዕድል፣ ዕኩል የማወዳደር ዕድል ስንሰጥ መሆኑን በሚገባ በመግለፅ ለከፍተኛ ትምህርት ተቋማት የበላይ አመራሮች የተዘጋጀዉን የግንዛቤ ማስጨበጫ ስልጠና በይፋ በመክፈት ስልጠናዉን አስጀምረዋል፡፡
አቶ ጆንሴ ገደፋ የመንግስት ግዥና ንብረት አስተዳደር ኤጀንሲ ምክትል ዋና ዳይሬክተር ደግሞ በመንግስት ግዥና ንብረት አስተዳደር ዙሪያ የሚታዩ የአቅም ክፍተቶችን ዘላቂነት ባለው መልኩ ከመቅረፍ አንጻር ኤጀንሲው ካቀዳቸው ስትራቴጂክ ጉዳዮች መካከል አንዱ በግዥና ንብረት አስተዳደር ፈጻሚ አካላትን አቅም መገንባት መሆኑን ገልጸዋል፡፡በመቀጠልም ምክትል ዋና ዳይሬክተሩ ከፍተኛ ትምህርት ተቋማት ከስራ ባህሪያቸው በመነሳት በተለይም ለዩንቨርሲቲዎች በላይ አመራሩ በመንግስት ግዥ አፈጻጸም ዙሪያ ያለበትን ክፍተት ለመሙላት የሚያስችል ግንዛቤ እንዲኖረው ይህ የግንዛቤ ማስጨበጫ ሥልጠና እንደተዘጋጀ ገልጸዋል፡፡በኤጀንሲው የሚገኙ አሰልጣኞች ሥልጠናውን ሲሰጡ ስለ ግዥ ዓይነቶች፣ ስለመንግስት ግዥ መርሆዎች፣ስለ ግዥ ዕቅድ ዝግጅትና አስፈላጊነት፣ ስለ ዋጋ ማቅረቢያ፣ ስለጨረታ ግምገማ ሂደቶች እና ስለዋጋ ማስተካከያ፣ በግዥ ፈጸሚ መ/ቤቶች ስለሚካሄዱ የአቤቱታ ማጣራት ሂደት፣ አቤቱታ ስለሚቀርብባቸው ዋና ዋና ጉዳዮች፣ ስለጥፋተኝነት ሪፖርት አቀራረብ፣ስለንብረት አስተዳደር የስራ ክፍል ተግባርና ኃላፊነት ስለመንግስት ንብረት አስተዳደር ተግባራት፣ስለንብረት አወጋገድና ስለማስወገጃው አይነቶች በዝርዝርአስረድተዋል፡፡በዚህ ሶስት ቀናት በቆየው የግንዛቤ ማስጨበጫ ሥልጠና ላይ ከ220 በላይ ከተለያዩ የአገራችን የዩንቨርሲቲ አመራሮች የተለያዩ አስተያየቶችና ጥያቄዎች የተነሱ ሲሆን፣ለተነሱት ጥያቄዎችም በኤጀንሲው አመራሮች እና በአሰልጣኞች ምላሽ ተሰጥቶባቸዋል፡፡
በኤጀንሲዉ የህዝብ ግንኙነትና ኮሚዩኒኬሽን ዳይሬክቶሬት
በመቀጠል የመንግሰት ግዥ አፈጻጸምና ንብረት ማስወገድና አቤቱታ ማጣራት ዳይሬክቶሬት ዳይሬክተር የሆኑት አቶ ነጋሽ ቦንኬ ስለመንግስት ግዥ አጠቃላይ ገጽታ፣ የመንግስት ግዥ ስለሚመራባቸው የህግ ማዕቀፎች፣ ስለመንግስት ግዥ ዓላማና መርሆች፣ በመንግስት ግዥ አፈጻጸም ሊኖር ስለሚገባ ተግባር እና ኃላፊነት፣ የአቤቱታና የጥፋተኝነት ሪፖርት ማጣራት ሂደት አጠቃላይ ገጽታ እና በአፈጻጸም የታዩ የአሰራር ችግሮች አጠቃላይ ማብራሪያ ሰጥተዋል፡፡በመቀጠልም የመንግሰት ግዥና ንብረት ኦዲትና ክትትል ዳይሬክቶ
ሬት ዳይሬክተር የሆኑት አቶ ዘለቀ ታፈሰ ግዢና ንብረት ኦዲት ሂደትና አጠቃላይ ገፅታዎች፣ ስለግዢና ንብረት ኦዲት ትርጉም፣ ስለግዥና ንብርት ኦዲት አላማዎች፣ ኦዲት ተደርገው ስለተገኙ ዋና ዋና ግኝቶች ላይ ሰፊ ገለጻ አድርገዋል፡፡በመጫረሻም ወ/ሮ መቅደስ ብርሃኑ ስለመንግስት ተሽከርካዎች ስምሪትና ነዳጅ አጠቃቀም፣ ስለመንግስት ንብረት አወጋገድ ሂደት ላይ አጠቃላይ ገለጻ አድርገዋል፡፡ክቡር አቶ ጆንሴ ገደፋ የፌዴራልመንግስት ግዥ እና ንብረት አስተዳደር ኤጀንሲ ምክትል ዋና ዳይሬክተር በስልጠናው መዝጊያ ላይ ባደረጉት ንግግር ይህ ስልጠና የታለመለትን አላማ ግብ እንዲመታ ሁሉም የተቋማት አመራሮች ጠንክረው መስራት ይኖርባቸዋል ያሉ ሲሆን ኤጀንሲውም መንግስት የጣላበትን ኃለፊነት በእጅጉ ለመወጣት በቆራጥነት የሚሰራ መሆኑ እና አስፈላጊውን ድጋፍ እና ክትትል የሚያደርግ መሆኑን ገልጸዋል፡፡የስልጠናውተሳታፊዎችም በርካታ ሃሳቦችን እና ጥያቄዎችን ያቀረቡ ሲሆን በቀረቡት ጥያቄዎች ላይ በአጀንሲው አመራሮች ምላሽ ተሰጥቶ ለሶስተ ቀናት የቆየው ስልጠና ተጠናቋል፡፡
